Mäwlüt Çavuşoğlu Hindıstanda

Aziya yöräge, İstanbul barışınıñ 6nçı ministrlar konferenśiyase Hindıstannıñ Armistar şähärendä başlanğan.

Törkiyäne cıyılışta tışqı êşlär ministrı Mäwlüt Çavuşoğlu wäkillek itä.

Maqsat – Äfğanstan häm tirä-yağında totrıqlılıq belän tınıçlıqnı urnaştıru öçen yul kartasın bilgeläw.

İstanbul barışınıñ 6nçı ministrlar konferenśiyasendä 14 il qatnaşa.

Cıyılış qısalarında ministr Çavuşoğlu qatnaşuçı illärneñ tışqı êşlär ministrları belän söyläşülär ütkäräçäk.

Çavuşoğlu äñgämädäşläre belän Äfğanstan häm tirä-yağındağı problemalarnı çişü öçen regional’ xezmättäşlek häm yärdämläşüne nığıtuçı çaralarnı qarayaçaq.

Çavuşoğlunıñ ayıruça konferenśiyada çığış yasawı da kötelä.

Törkiyä 2011nçe yılda Äfğanstannıñ kiläçäge öçen başlatqan bu barışta Äfğanstannı Aziyaneñ yöräge itep taswirlıy.

Älege kereşüdä Äfğanstanğa kürşe illär belän Törkiyä, Qıtay, Soğud Ğaräbstanı kebek ikençe dairä kürşelär dä urın ala.

Amerika Quşma Ştatları häm Berläşkän Millätlär Oyışması da barışnıñ möhim xuplawçıları arasında.