Siirttä şaxta qazası

Törkiyäneñ Siirt şähärenä bäyle Şirvan ilçäsendä cir şuışuınnan soñ ber şaxtanıñ cimerelüe arqasında 3 êşçe yaqtı dönyadan kitte.

Şaxtada qalğan 13 êşçeneñ qotqarıluı öçen êzläw-qotqaru êşçänlekläre däwam itä.

Şäxsi şirkätkä bäyle baqır şaxtasınıñ cimerelüe näticäsendä 8 yök maşinası häm 3 êş maşinası da cir astında qaldı.

Siirt vilayät idaräsendä qorılğan krizis östäle koordinaśiyasendä Vilayätneñ ğadättän tış xällär mödirlege, Milli Medikal’ qotqaru törkeme häm jandarmeriya xezmätkärläre qatnaşqan êşçänleklärdä şaxtyerlar da bulışa.

Premyer-ministr Binali Yıldırım waqiğa belän bäyle bularaq ministrlarğa şaltıratıp, mäğlümat aldı.

Ênergetika häm tabiği çığanaqlar ministrlığınnan yasalğan açıqlawda Ministrlık kiñäşçese Fatix Dönmäz räislegendä krizis östäleneñ barlıqqa kiterelüe belderelde.