Ärdoğan: “İslamğa qarşı problemalar berdämlek belän xäl iteler”

Däwlät başlığı Ärdoğan İlbaşı qolliyäsendä İslam illäre xezmättäşlek oyışması parlament berlegeneñ 36nçı başqarma komitetı cıyılışında qatnaşqan parlament başlıqları xörmätenä oyıştırğan aş mäclesendä çığış yasadı.

İslamğa qarşı awırlıqlarnıñ berdämlek belän xäl iteläçägen äytüçe Ärdoğan: “Tağın da kübräk êşläp, fetnälärgä qarşı uyaw bulıp, cıyılışlarıbızda bulğanı kebek kiñäşmä nigezlären köçäytep, böten mäs’älälärdä bergä cıyıla alırğa tiyeşbez”, - dip belderde.

Törkiyä İlbaşı Afrikadan Yaqın Könçığışqa, Aziyadan Amerikağa qädär möselmannarnıñ törle problemalar häm sınap qarawlar belän qara-qarşı kilüen, 6 yıl buyı böten dönyanıñ küzläre aldında süriyälelärneñ miçkä häm kasset bombaları belän ximik häm iñ modern qorallar belän zur yawızlıqqa duçar itelüenä basım yasap, Ğiraq häm Yämän östennän şiği-sönni watandaşlar suğışı biltäseneñ qabızıp cibärelergä tırışıluın assızıqladı.