“Törkiyä belän “Törek ağımı” proyektın tormışqa aşırırğa telibez”
Bu xaqta Rusiya Federaśiyäse däwlät başlığı Vladimir Putin Bötendönya ênergetika konferenśiyäsendä yasağan çığışında belderde
Rusiya Federaśiyäse däwlät başlığı Vladimir Putin Törkiyä belän “Törek ağımı” proyektın tormışqa aşırırğa teläwlären belderde.
Putin İstanbulda uzuçı Bötendönya ênergetika konferenśiyäsendä çığış yasadı.
“Keşelärneñ yäşel ênergiyägä yünälüe çınbarlıqtır” dip äytüçe Putin :”Fäqät neft’ häm tabiği gaz qullanu da däwam itä. Xalıqara ênergiya kalendar’- planına kürä 20-30 yıldan soñ yänä neft’ häm tabiği gaz kiräk bulaçaq. 2020 nçe yılğa qadär neft’neñ dönyaküläm ênegiya qullanudağı payı 26%qa kütäreläçäk”,-dide.
Rusiya Federaśiyäse däwlät başlığı :”Ênergiya iminlegen koordinaśiyäle räweştä täêmin itä alırbız. Qayber illärneñ ênergiya çikläwlären qabul itü mömkin tügel”,-dip belderde.
Rusiya Federaśiyäse däwlät başlığı Vladimir Putin ileneñ ênergiya citkerü cähätennän ışanıçlı bulaçağına da basım yasadı häm Törkiyä belän “Törek ağımı” proyektın tormışqa aşırırğa teläwlären citkerde.
