Törkiyädä ğadättän tış xäl ozınaytılsın kiñäşe

Milli İminlek şurası Bäştäpädä İlbaşı Räcäp Tayyip Ärdoğan räislegendä çärşämbe könne 6 säğätlek cıyılış ütkärde.

Cıyılıştan soñ yasalğan belderüdä watandaşlarnıñ xozurı häm iminlege belän däwlät tärtibeneñ urnaştırıluı maqsatınnan çığıp alıp barılğan êşçänlekneñ kiñ qırlı räweştä söyläşelüe äytelde.

Bu qısada mi̇lli iminlekkä yanawçı, terror oyışmaları belän xezmättäşlek urnaştırğan, ilenä xıyanät itkän “Fätullahçı” (FETÖ/PDY) terror oyışması/parallel däwlät qorılışı, “PKK” häm “PYD”-“YPG” separatist terror oyışmaları belän “DEAŞ” terror oyışmasına qarşı il külämendä häm çit ildä alıp barılğan operaśiyalarnıñ häm bu mäs’älädä kürelgän çaralarnıñ kiñ qolaçlı räweştä tikşerelüe assızıqlandı.

Belderüdä: "Demokratiyäbezneñ, xoquq däwläte nigezeneñ, watandaşlarıbıznıñ xoquqların häm iregen saqlawğa qarağan çaralarnıñ täêsirle räweştä başqarıluınıñ däwam itelüen täêmin itü maqsatınnan çığıp ğadättän tış xälne ozınaytunı kiñäş itü qararına kilende”, - dip äytelde.

Tüntäreleş kereşüe yasalğan 15nçe iyül’neñ här yıl “Demokratiya häm irek köne” bularaq iskä alınuı da kiñäş itelde.

Terrorçılıqnıñ häm terror oyışmalarınıñ ayırımlılıq yasalmıyça xalıqara cämäğätçelekneñ xezmättäşlege belän yuqqa çığarıluınıñ dönya tınıçlığı öçen ähämiyätle buluına basım yasalğan belderüdä:

"Awrupa parlamentı kori̇dorlarına terror oyışması simvollarınıñ êlenep quyıluı häm “PKK/PYD-YPG” separatist terror oyışmalarınıñ kürgäzmä häm cıyılışları kebek êşçänlektä dus häm berlektäş Awrupa Berlegendäge qayber illärneñ sizgerlegen yuğaltqan totışı borçılıp qarşılandı, terrorçılıqnıñ xalıqara säyäsätneñ qoralına äyländerelüe, xätta täşviq itelüe, qızıqsındırıluı fikerenä kilende. Terrornıñ xalıqara urtaq bilgelämäseneñ motlaq räweştä yasaluınıñ zarurlığına, üzgä ğamällärneñ buldırılmawı öçen dä xezmättäşlekneñ möhimlegenä basım yasaldı”, - dip äytelde.

Cıyılışta “Färat qalqanı” xäräkäteneñ dä bäyälänelüe assızıqlanğan belderüdä xäräkätneñ östenlekle ike maqsattan berseneñ Törkiyäneñ çik buyı iminlegeneñ urnaştırıluı häm töbäktä yäşäwçelärneñ can häm milek iminlegeneñ täêmin itelüe, ikençeseneñ isä biredäge “DEAŞ” belän “PYD-YPG” terror êlementlarınıñ tulısınça çistartıluı häm illäreneñ bötenlege öçen “İrekle Süriyä ğaskäre”nä yärdäm itü buluına tağın ber märtäbä iğtibar yünältelüe belderelde.

Belderüdä xäräkätneñ Törkiyäneñ xalıqara xoquqqa bäyle legal’ saqlanu xoquqı qısalarında Süri̇yäneñ cir bötenlege nigez itep alınıp başqarıluı, tınıç xalıqnıñ zarar kürmäwe öçen maksimum sizgerlek kürsätelüe assızıqlandı.

İmin häm oçışqa tıyılğan töbäk täqdimenä tağın ber qat basım yasaluı äytelgän belderüdä: "Süriyäneñ yañadan irekle, xozurlı häm mullıqlı ilgä äylänüe öçen Süriyä xalqın bergä totu häm yäşätü säläte qalmağan xäzerge rejim urınına küçeş barışınnan soñ Süriyä xalqınıñ ber däwlät häm ğadel wäkillek itelügä qarağan kötkännäre belän sizgerleklären qanäğätländeräçäk yaña citäkçelekne böten törkemnärneñ qatnaşuında oyıştıru mäcbüriyäte telgä alındı”, - dip assızıqlandı.