İstanbulda Rusiyä belän mönäsäbätlär söyläşeläçäk

Törkiyä iqtisad ministrı Nihat Zäybäkci belän Rusiyä iqtisadi üseş ministrı Aleksey Ulyukaev 23nçe Bötendönya ênergetika kongressı qısalarında 8nçe-9nçı üktäbr könnärendä İstanbulda oçraşaçaq.

Rusiyä Federaśiyäse iqtisadi üseş ministrı urınbasarı Aleksey Lixaçev başqala Mäskäwdä jurnalistlarğa yasağan belderüendä Zäybäkci belän Ulyukaev oçraşuı waqıtında Törkiyä häm Rusiyä arasındağı säwdä häm iqtisad mönäsäbätläreneñ söyläşeläçägen äytkän.

Lixaçev: “Xezmät häm kapital salu tarmaqları belän bäyle kileşülärgä qarağan söyläşülärebezne däwam itteräbez. Aldıbızdağı atnanıñ azağına xätle Törkiyädäge belgeçlärebezneñ bu mäs’älädä alğarışqa ireşäçägen ömet itäbez”, - dip äytkän.

9nçı-13nçe üktäbr könnärendä İstanbulda oyıştırılaçaq 23nçe Bötendönya ênergetika kongressı qısalarında Rusiyä Federaśiyäse häm Törkiyä arasındağı xökümätlärara komissiyanıñ da cıyıluı kötelä.

Rusiyä ênergetika ministrı Aleksandr Novak ta monnan alda yasağan belderüendä “Törek ağımı” proyektınıñ yul kartası mäs’äläsendä dä üktäbr ayında kileşü bula alaçağın äytkän ide.