Gazianteptağı höcümdä ülgän keşe sanı 54 kä citte

Törkiyäneñ Gaziantep qalasında şimbä tönendä tuy mäclesenä oyıştırılğan intixar höcümendä ğomere özelgän keşe sanı 54 kä citte.

Yaralanğan keşelärdän 14 eneñ xäle haman da awır.

Höcümdä hälaq bulğan häm kemlege bilgelängän 43 keşe soñğı yulğa ozatıldı.

Waqiğa belän bäyle başlatılğan tikşerü däwam itä.

Höcüm 20 nçe avgust tönendä 14 yäşlärendäge balanıñ östenä bäyläp quyılğan bombanıñ şartlawı näticäsendä barlıqqa kilgän ide.