Çavuşoğlu: “Kileşü ike yaqlı ütäler yäki çitkä quyılır”

Tışqı êşlär ministrı Mäwlüt Çavuşoğlu Germaniyanın “Bild” gazetına birgän äñgämäsendä Törkiyä-Awrupa Berlege mönäsäbätläre turında süz alıp bardı.

Törkiyäneñ Awrupa Berlege äğzalege yulında böten şartlarnı ütäw öçen hiçber il diyärlek kürsätmägän tırışlıq sarıf itüen añlatuçı Çavuşoğlu fäqät Törkiyäneñ yanawi mısqıllaw häm kirtälärgä duçar buluın äytte.

Sıyınuçılar belän bäyle kileşügä iğtibarnı yünältüçe Çavuşoğlu Törkiyä watandaşların üktäbr ayında vizadan azat iteläçäge anıq räweştä belderelgän kileşüneñ äle haman ğamälgä kertelmäwenä basım yasadı.

Mäwlüt Çavuşoğlu “Üktäbrdä vizadan azat itelü çarası ğamälgä kermägän oçraqta yözmeñnärçä sıyınuçı közen yañadan Awrupağa kiläçäkme?” digän sorawğa Awrupa Berlege belän söyläşülärneñ däwam itüen, xäzerdän ük iñ naçarın äytergä telämäwen belderep: “Fäqät şuşı bik anıq: kileşülärne beryulı ütärbez yäki çitkä quyarbız”, - dip cawap birde.

"Awrupa Berlege qararğa kilgän 3 milliard yevro külämendä yärdäm sorağan çaqta bezgä qarata tänqit süzläreneñ äytelüe ışanıç-ömetemne tarqata. Bu aqça bezneñ öçen tügel, sıyınuçılar öçen”, - dip äytüçe Çavuşoğlu Törkiyäneñ bu ölkädä iñ awır yökne taşuına, bügengä çaqlı 25 milliard dollar sarıf itüenä basım yasadı.