Näwbätlär tämam

Törkiyä ilbaşı Räcäp Tayyip Ärdoğan 27 kön buyı däwam itkän demokratiya näwbätlären azağına yaqınlaştıruların, läkin küñellärdä däwam itäçägen äytte.

Fätullahçı terror oyışması/parallel’ däwlät qorılışınıñ 15nçe iyul’ könge uñışsız tüntäreleş kereşüennän soñ ilbaşı Ärdoğan çaqıruı belän başlatılğan demokratiya näwbätennän soñ 27 kön uzdı.

Ärdoğan demokratiya näwbäte öçen Bäştäpädäge İlbaşı idaräse kölliyäte baqçasında cıyılğan watandaşlarğa möräcäğat itte.

İlbaşı: “Änkara ilebezdä azatlıq köne bulmağan kebek siräk şähärlärebezdäñ berse ide. 15nçe iyul’ – Törkiyä belän bergä Änkaranıñ da azatlıq köneder,” – dide.

Demokratiya näwbäteneñ barı tik bilgele säğatlärdä, bilgele urınnarda ğına uzmawın assızıqlağan Ärdoğan: “Demokratiyabez, bäysezlegebez, däwlätebez, kiläçägebezne täwlek buyı, yılnıñ 365 könendä öylärebez, eş urınnarıbız, här cirdä saqlap qalaçaqbız.  Yanaw, tozaq, xıyanät, sabotajnıñ qaydan kiläçäge, qayçaq, kemnän kiläçäge bilgesez. Xıyanät näwbäten FETÖ taşlap, PKK ala, ul taşlıyi “DEAŞ” ala,” – dide.

Fätullahçı terror oyışması/parallel’ däwlät qorılışı başlığı Fätullah Gülänneñ Törkiyägä qaytarıluı belän bäyle bularaq ta ilbaşı Ärdoğan: “İrtä yäisä soñ Amerika sawlay yasayaçaq. Yäisä Törkiyä yäki Fätullahçı terror oyışması/parallel’ däwlät qorılışı. Yäisä terrorçı yäki demokratiya ile. Bu saylawnı yasarğa mäcbür,” – dide.