"Yaña bitne açtıq"

İlbaşı idaräse süzçese İbrahim Kalın Törkiyä ilbaşı Räcäp Tayyip Ärdoğannıñ Sankt Peterburgta Rusiyä Federaśiyase däwlät başlığı Vladimir Putin belän ütkärgän söyläşüendä Rusiyäneñ 24nçe noyabr könne bärep töşerelgän oçqıç häm oçuçısı belän bäyle bernindi kompensaśiya taläbeneñ kön tärtibenä kilmäwen äytte.

Kalın şäxsi televideniyedä sişämbe könge säfärdä barlıqqa kilgännärne añlattı, sorawlarğa cawap birde.

İbrahim Kalın Ärdoğan häm Putinnıñ söyläşülärendä Rusiyäneñ bärep töşerelgän oçqıç häm oçuçısı belän bäyle kompensaśiya taläbeneñ bulıp bulmawı sorawına bu mäs’äläneñ kön tärtibenä kilmäwen, mönäsäbätlärdä yaña bitneñ açıluın äytte.

Kalın tübändägeçä däwam itte: “Yaña bit açtıq. Bu tatsız waqiğa barıbıznı da borçuğa saldı. Bolarnıñ qabat barlıqqa kilmäwe öçen yaqın xezmättäşlek eçendä buliq dip äytelde. Bu qısada bezneñ Ğomüm ştab räislege belän Rusiyäneñ ğomüm ştab räislege qabat turıdan liniya qordılar. Bu mäs’älädä êlemtä qorıldı. Kiçäge söyläşüdä ber öleşendä Rusiyäneñ ğomüm ştab başlığı da bar ide. Bezneñ ğomüm ştab başlığıbız belän êlemtä eçendalär”.

Monıñ “qızıl liniya” bulıp bulmawı belän bäyle sorawğa Kalın: “Ğaskärilär qaysı liniya aşa söyläşü ütkärä, anısın belmim. Süriyä mäs’äläsendä häm qalğan ike yaqlı mönäsäbätlär mäs’aläsendä. Hawa kiñlege häm qalğan mäs’älälärdä yaqın êlemtä eçendä,” – dide.