"Törek xalqınıñ tüntäreleş kereşüenä qarşı totışın yuğarı bäyälibez”

 Räsmi säfär belän Paqıstanğa kitkän Törkiyä tışqı êşlär ministrı Mävlüt Çavuşoğlu başqala İslamabadta Paqıstan ilbaşı Mämnun Xösäyen belän küreşep söyläşte.

İlbaşı Xösäyen “Fätullahçı terror oyışması”nıñ 15 nçe iyül’däge tüntäreleş kereşüenä qarşı törek xalqınıñ totışın yuğarı bäyäläwlären belderde.

Çavuşoğlu Paqıstan häm Törkiyä xalıqlarınıñ tuğandaş buluın belderep, Paqıstannıñ törek xalqı häm Törkiyä xökümäteneñ yanında buluınnan qanäğat qaluların assızıqladı.

Oçraşuda regional mäs’älälär häm ike yaqlı mönäsäbätlär dä söyläşelde.

Törkiyä tışqı êşlär ministrı Törek xezmättäşlek häm koordinatsiya agentlığınıñ Paqıstandağı qayber proyektların tanıtu çarasında qatnaştı.

Çavuşoğlu soñraq Törek hawa yulları İslamabad ofisınıñ tulı wäqalätle ilçelektä uzğan simvolik açılış tantanasın qaradı.

Törkiyä tışqı êşlär ministrı Mävlüt Çavuşoğlu Törkiyäneñ İslamabad tulı wäqalätle ilçelege başlatqan yaña viza möräcäğäte sistemasın tanıtuda da qatnaştı.