"Gülän qatği räweştä qaytarılırğa tiyeş"

Cömhüriyät xalıq partiyase ğomüm başlığı Kämal Kılıçdaroğlu Fätullahçı terror oyışması/parallel’ däwlät qorılışı başlığı Fätullah Gülänneñ qatği räweştä Törkiyägä qaytarıluı zarurlığın belderde.

Kılıçdaroğlu 15nçe iyul könge xain kereşüdän soñ 50 şähit birgän Änkaranıñ Gölbaşı bistäsendäge Maxsus iminlek departamentına yasağan säfärennän soñ jurnalistlarnıñ sorawlarına cawap birde.

Tüntäreleş kereşüeneñ barlıqqa kilüen assızıqlağan Kämal Kılıçdaroğlu tübändägeçä däwam itte: “Tüntäreleşkä qarşı barıbıznıñ da urtaq totış kürsätüe ayıruça xalıqnıñ bu mäs’älädä uramnarğa çığıp, barlıq xis-toyğıların kürsätüe bik möhim ide. Uzğan söyläşüdä mäğlümat birelde häm şul uq waqıtta bez üz töşençalärebezne citkerdek. Xökemneñ irege häm tarafsızlığı mäs’äläsendä Töp qanunda yasalaçaq üzgäreşkä öleş kertäçäkbez. Kiläse könnärdä säyäsi partiyalär küreşep söyläşer häm bu problemanı bergä çişerbez dip ömet itäm”.

Törkiyäneñ 15nçe iyul tönne barlıqqa kilgän tüntäreleş kereşüennän soñ AQŞtan terror oyışması başlığı Fätullah Gülänneñ qaytarıluın sorawı xäterlätelep, töşençälären alırğa telägäç Kılıçdaroğlu: “Fätullah Gülänneñ qatği räweştä Törkiyägä qaytarıluı zarur,” – dide.