“15 iyül – Şähitlärne iskä alu köne”

İlbaşı Räcäp Tayyip Ärdoğan, kiläse buınnarnıñ 15nçe iyül demokratiya qarşılıq kürsätüeneñ qaharmannarın onıtmayaçağın belderep: "15 iyül könen şähitlärebezne iskä alu köne bularaq iğlan itüebezne urtaqlaşırğa telim”, - dip äytte.

İlbaşı Ärdoğan İlbaşı qolliyäsendä oyıştırğan matbuğat oçraşuında Törkiyäneñ iñ xain, iñ cirängeç qorallı 15nçe iyül tüntäreleş kereşüenä qarşılıq kürsätüen qatği räweştä alıp baruın äytte.

Törek milläteneñ tarix yasawçı millät buluın tağın ber qat bilgele itüen assızıqlawçı İlbaşı Ärdoğan, millätkä möräcäğät itep: “Demokratiya näwbätlärebezne axırğaça däwam itep, tarixqa altın xäreflär belän yazılğan bu uñışqa tac kiyderik”, - dip äytte.

Törkiyäneñ xoquq däwläte buluına basım yasawçı Ärdoğan: "Tüntäreleş kereşüe aldındağı çaralar da demokratiya, xoquq däwläte, töp xoquqlar häm xörriyätlärgä ixtiram qısalarında kürelgän, kürelergä dä däwam iteläçäk”, - dip äytte.