"Sez bu millätne tanımıysız"

İlbaşı idaräse süzçese İbrahim Kalın tüntäreleş uñışlı bulğan oçraqta, könbatış mediasınıñ Misırda bulğanı kebek tüntäreleşne xuplayaçağın äytte.

İbrahim Kalın tüntäreleş kereşüe belän bäyle könbatış matbuğatında urın alğan xäbärlärne häm xäbär başçaların tänqitläde.

Kalın sotsial’ mediada yasağan açıqlawında könbatış mediasınıñ aldınğı oyışmalarınıñ törek xalqı häm ilbaşına qarağan mısqıllawlarınıñ isä bik çirqanıç buluın elderde.

15nçe iyul könge xıyanätneñ çit il oyışmaları tarafınnan şundıq üz itelüen assızıqlağan Kalın: “Ul kiçne tüntäreleş kereşüenä kirtä quyılğan minutlarda da çit il televideniyeları ekrannarında “Törkiyädä tüntäreleş oyıştırılğan” dip yazılğan ide,” – dide.

CNN häm BBC kebek kanallarnıñ döres mäğlümat alu, xäbärneñ döres bulıp bulmawın raslaw kebek töp qağidälärne bozuına basım yasağan İbrahim Kalın älege kanallarnıñ “Törkiyädä armiya citäkçelekne qulğa töşerde” başçaları belän Törkiyädäge waqiğalarnı manipulyaśiyaläwen citkerde.

Kalın: “Tüntäreleş uñışlı bulğan bulsa, barısı da xuplayaçaq ide. Misırdağı kebek. Sez bu millätne tanımıysız, läkin alar sezne tanıp belä,” – dide.

Kalın Şvetsiya tışqı êşlär ministrı Carl Bildtnıñ: “Awrupa Berlege namzäte bulğan Törkiyädä tüntäreleşne xuplawıbız mömkin tügel,” – digän açıqlawına da tübändäge cawapnı birde: “Xörmätle Bildt, sezneñ totışığıznı beläbez, läkin mondıy axmaqça başçalar barı tik tüntäreleşneñ maqsatına yarıy”.