"İñ citdi köräş - Törkiyäneke"

Törkiyäneñ Ğadälät ministrı Bäkir Bozdağ “DEAŞ” terror oyışması belän iñ citdi köräş alıp baruçı berdänber ilneñ Törkiyä buluın äytte.

Bäkir Bozdağ Xoquqi tikşerenülär cämğiyäteneñ sotsial qorılmalarında oyıştırılğan iftarda çığış yasadı.

Bozdağ Törkiyäneñ “DEAŞ” terror oyışması belän köräşeneñ qalğan terror oyışmaları belän köräşe kebek täwäkkäl räweştä däwam itäçägen äytte.

“DEAŞ”nıñ proyektlı oyışma buluın, bu oyışmadan iñ zur zıyan kürgän ilneñ dä Törkiyä buluın citkergän Bozdağ “DEAŞ”ka qarşı täwäkkäl räweştä köräşüne däwam itteräçäklären belderde.

Bozdağnıñ kön tärtibendä Awrupa Berlegendä barlıqqa kilgän krizis ta bar ide.

Awrupa Berlegeneñ berqayçan da Törkiyägä qarata eçkersez bulmawına iğtibar cälep itkän Bozdağ Törkiyäneñ Awrupa Berlegenä quşılunı kötkän çorda Angliyaneñ referendum näticäsendä Awrupa Berlegennäñ kitü qararın qabul itüen xäterlätte.