İbrahim Kalın: “Rusiyädän ğafu ütenü turında süz bula almıy”

İbrahim Kalın ber televizion kanalında könüzäk mäs’älälärgä qağılışlı sorawlarğa cawap birde.

Törkiyä-İzrail söyläşüläre belän bäyle möhim açıqlawlar yasawçı Kalın Ğazzägä qarata êmbargonıñ beterelüe ölkäsendä İzrail belän bilgele ber noqtağa citelüen häm Ğazzägä yärdämnärneñ totqarlawsız citkereläçägen belderde.

İzrail belän mönäsäbätlärneñ cayğa salınuı ölkäsendä bilgele ber urınğa citelüen assızıqlawçı Kalın: "“Hamas”nıñ İstanbulda ofisı yuq, xärbi nığıtması (bazası) yuq. Öyrätelüe, xärbi koordinatlar – mondıy närsälär turında süz hiç alıp barılmıy. “Hamas” belän söyläşergä däwam itäçäkbez. Fälästin citäkçelege belän söyläşülärgä däwam itäçäkbez. Mahmut Abbas belän dä söyläşüebezne däwam itteräçäkbez”, - dip äytte.

İbrahim Kalın Törkiyä-Rusiyä mönäsäbätläre belän bäyle bularaq çik buyın bozğanı öçen bärep töşerelgän Rusiyä xärbi oçqıçı arqasında Törkiyä tarafınıñ ğafu ütenüe häm kompensatsiya tüläwe kebek ber torışnıñ bula almawına iğtibarnı yünältte.

Süzçe Süriyädä Bäşşar Äsad mäs’äläsendä isä Törkiyä totışınıñ üzgärmäwen, Äsad anda bulğan oçraqta watandaşlar suğışınıñ betmäyäçägen äytte.

Qayber illärneñ Süriyä säyäsäten “PYD” terror oyışmasına nigezländerep alıp baruınıñ da döres bulmawına basım yasawçı Kalın: “Qatğilap assızıqlıym: Törkiyäneñ “PYD” mäs’äläsendäge totışı – kördlärgä qarşı totış tügel. Süriyädä yäşäwçe kördlärneñ milli üzañnarınıñ saqlanuı mäs’äläsendä Äsäd belän küreşkän isem Ärdoğandır. Süriyä kördlärenä “PYD” aşa milli üzençäleklären birergä tırışalar. Bu – alarğa yasalğan iñ zur xaqsızlıq”, - dip belderde.