“Törkiyä tarixında oyat eş yuq”

Törkiyä premyer-ministrı Binali Yıldırım Törkiyä tarixında oyat bulğan bernindi eş bulmawın belderep Könbatış tarixında bik küp keşelek tragediyäläre buluın citkerde.

3 nçe iyündä Azärbaycanğa räsmi säfär yasağan premyer-ministr oçraşuları qısasında xezmättäşe Artur Rasizadä belän küreşep söyläşte.

Binali Yıldırım üzara häm wäkilleklär arası söyläşülärdän soñ ütkärelgän matbuğat oçraşuında Törkiyä belän Azärbaycannıñ qayber xaqsızlıqlarğa duçar buluları turında da söyläşülären citkerde.

100 yıl elekkegä barıp totaşuçı,xätta tarixçılar da üzara kileşä almağan ,xalıqara xoquq mäxkämäläre dä qarar qabul itä almağan ber mäs’älädä Germaniya Federal parlamentınıñ Törkiyäne ğayepläwçe qarar qabul itüen xäterlätüçe Yıldırım bu qararnıñ Törkiyä cähätennän bernindi ähämiyäte bulmawın assızıqladı.

Germaniya kebek möhim berlektäşneñ mondıy qarar qabul itüe Törkiyäneñ küñelen qaytaruın belderüçe Yıldırım Törkiyäneñ ütkänendä, tarixında oyatqa qalırlıq eş bulmawına basım yasadı.

Azärbaycan premyer-ministrı Rasizadä dä Germaniya parlamentınıñ ärmän däğwaları belän bäyle qararına tuqtalıp üzlären demokrat diyüçelärneñ mondıy ğadelsez qarar qabul itüen belderde.

Rasizadä 100 yıl elek buluı däğwa itelgän waqiğalarnı kön tärtibenä kiterüçelärneñ 20 yıl elek ärmännär tarafınnan azärbaycannarğa başqarılğan zolımğa tawış-tınsız qaluın xäterlätte.