“Bäysezlek däwerendä Törkiyä Gruziyağa gel yaqlaw kürsätte”

 Gruziya parlamentı başlığı Davit Usupaşvili 25 yıllıq bäysezlek däwerendä Törkiyäneñ daimi räweştä Gruziyağa yaqlaw kürsätüen belderde.

Usupaşvili Gruziyanıñ bäysezlegeneñ 25 yıllığı uñayınnan Törkiyä – Gruziya parlamentara duslıq törkeme başlıq urınbasarı ,”Ğadälät häm qalqınu”partiyäse xalıq ışanıçlısı Xösayen Şahin belän yanındağı wäkillekne qabul itte.

Cıyılıştan elek çığış yasawçı Usupaşvili:”Törkiyäneñ konkret yärdäme bulmasa Gruziya bäysezlegeneñ 25 yıllığında mondıy däräcägä ireşä almas ide”,-dide.  

Gruziyanıñ bäysezlegeneñ 25 yıllığı Törkiyäneñ Trabzon qalasında törle çaralar belän qotlandı.

Qotlawlar qısasında Gruziyanıñ Trabzondağı konsullığı häm Trabzon şähär xakimiyäte xezmättäşlegendä Batumi sänğät universitetı orkestrı konsertı da täqdim itelde.

Gruziya Sovetlar Berlege tarqala başlağan 1991 nçe yılda bäysezlegen iğlan itkän ide.