“Qırım Tatar Milli Mäclese – legal’ qarar organı”

Törkiyä tışqı êşlär ministrlığı Rusiyä mäxkämäseneñ Qırım Tatar Milli Mäclesen êkstremist oyışma qısasına kertep, êşçänlegen tıyu qararın gäyepläde.

Ministrlıqtan yasalğan yazma belderüdä, Qırım Tatar Milli Mäcleseneñ qäwemdäş qırım tatar xalqınıñ xör iradäsenä iyä, demokratik yul belän saylanğan legal’ wäkillek itü häm qarar organı buluına basım yasalıp, telgä alınğan şuşı mäcles êşçänlegeneñ tıyıluınıñ – Rusiyäneñ yarım utrawnı qanunsız räweştä yawlap aluı häm üz cirlärenä quşuınnan soñ qırım tatarlarınıñ berdämlegenä häm bötenlegenä qarşı yasalğan adımnarnıñ çirattağısı buluı assızıqlandı.

Belderüdä bolay dip äytelä:

"Qırım tatarları bu qarar belän duçar bulğan qurqıtu häm bastıru säyäsätenä baş iyärgä häm birelergä mäcbür itelgän yaña ber adım aldına quyıldı. Bu qararnı, häm qırım tatar cämäğätçelegenä qarşı alıp barılğan sistematik häm kollektiv basımnıñ, häm dä yarım utrawda yäşäwçelärneñ töp keşe xoquqlarına häm iregenä yasalğan höcümnärneñ yaña ber küreneşe bularaq borçılıp qarşılıybız häm gäyeplibez. Törkiyä qırım tatarlarınıñ xaqlı köräşen häm qırım tatarlarına qarata mondıy basımnarnı beterü tırışuların qatğilıq belän yaqlawın däwam itäçäk”.