Soğud Ğaräbstanı patşası Änkarada

Soğud Ğaräbstanı patşası Sälman bin Abdülaziz Änkarağa kilde.

Törkiyä ilbaşı qunaqnı hawa mäydanında qarşı aldı.

Räsmi säfar qısasındağı söyläşülärdä ike yaqlı mönäsäbätlär belän bergä regional häm xalıqara mäs'älälär qaralaçaq.

Patşa Sälman Änkaradağı oçraşularınnan soñ 14-15 nçe apreldä İstanbulda uzaçaq İslam xezmättäşlek oyışmasınıñ 13 nçe yuğarı däräcäle oçraşuında qatnaşaçaq.

Yuğarı däräcäle oçraşuğa äzerlek cıyılışları qısasında ağza illärneñ tışqı eşlar ministrları cıyılışı uzdı.

Cıyılışnı açıp cibärüçe Törkiyä tışqı eşlär ministrı Mävlüt Çavuşoğlu İslam dönyasındağı problemalar qarşında bergä xäräkät itüneñ möhimlegenä basım yasadı.

Çavuşoğlu İslam xezmättäşlek oyışmasınıñ çirattağı räislegen 2 yılğa üz östenä alaçaq Törkiyäneñ bu mäs'älädä üz yöklämälären cirenä citkerüdä qatği buluın assızıqladı.