İbrahim Kalın​ Paqıstandağı höcümne ğayepläde

Törkiyä däwlät başlığı idaräseneñ süzçese İbrahim Kalın Törkiyäneñ bu waqıtqa qadär 120dän artıq ildän yaqınça 37 meñ keşegä kereş tıyun quyılğanın, 3 meñnän artıq keşeneñ dä ildän cibärelüen belderep:

“Törkiyä üz wazıfasın täwäkkäl häm kiñ ülçämle räweştä yasıy”,-dide.

İbrahim Kalın Törkiyä İlbaşı Sarayında oyıştırılğan matbuğat ciyılışında kön tärtiben bäyäläde.

“Dönyadağı böten änğämädäşlärebez belän terror belän bäyle här törle xezmättäşlekkä xäzer bulğanıbıznı citkeräbez”,-digän İbrahim Kalın DAEŞnı asrağan iñ mohim täsirlärdän berse- Süriyädäge suğışnıñ däwam itüe buluınıñ citkerde.

“Süriyädä yaqınça 5 yıldır däwam itkän suğıl şul uq xainnarça zıyansız keşelärneñ üterüe däwam itelä. Süriyä suğışı däwam itkän waqıtta terror oyışmalarınıñ üzlärenä urın tabıp taraluın däwam itäçäk” ,digän süzlärne qullanğan Kalın Süriyä mäsäläse çişelmiyçä soñğı näticälärne alıp bulmayacağın belderde.

Paqıstandağı terror höcümen iñ qatğıy räweştä ğayeplägänen äytüçe İbrahim Kalın:

“Möselman, Xrıstiya, Sünni, Şiği bulsın yäki başqa etnik, dini törkemnän, mäzhäptän bulsa da zıyansız keşelärneñ şuşı räweştä üterelüe ber qayçan da qabul itelmäs”dip söyläşte