Törkiyädä Rusiyä oçışlarına röxsät yuq

Rusiyä Federatsiyäseneñ Törkiyä östendä başqaraçaq küzätü oçışı ike il arasındağı “yünäleş kileşmäwçänlege” arqasında ğämäldän çığarıldı.

Rusiyägä oçışnıñ ğämäldän çığarıluın citkerüçe Törkiyä tışqı eşlär ministrlığı ğämäldän çığarıluğa säbäp bularaq Rusiyäneñ bu oçışnı Yaqın Könçığışnıñ kritik urını bulğan Süriyä çik buyında yasarğa teläwen kürsätte.

Mäs'älä belän bäyle belderü yasawçı “Aq” partiya ğomum başlıq urınbasarı Ömär Çälik telgä alınğan oçışlarnıñ 27 il qul quyğan kileşü qısalarında başqarıluına iğtibarnı yünältte.

Bu oçışlarğa açıq hawa kiñlege kileşüe nigezendä küzätü oçışı dip äytelüen añlatuçı Çälik küzätü oçışları yasalğan çaqta yünäleşneñ bilgelänelüe häm qaysı cihazlar belän oçılaçağı mäs'äläsendä öy xucası ilneñ initsiativası buluın assızıqladı.

Çälik: “Rusiyä belän arabızda soñğı yaña krizis bar. Törekmän tawı töbägendä äle dä Rusiyä oçqıçları bar. Kritik oçış yünäleşe taläbeneñ nindi mäğnägä turı kiläçägen cämäğätçelek xökemenä qaldırabız”, - dip äytte.

Açıq hawa kiñlege kileşüenä quşılğan däwlätlär bilgelängän kvotalar qısalarında ber-berläreneñ cirläre östendä küzätü oçışların başqara ala.

Rusiyä oçqıçları soñğı tapqır dekabr ayında Törkiyä hawa kiñlegendä küzätü oçışın yasağan ide.

Rusiyä Federatsiyäse bu yulı 2nçe häm 5nçe fevral' könnäre aralığında yaña küzätü oçışı telägen Törkiyägä citkergän ide.