Azärbaycan törek investorları häm turistların kötep qala

 Üzbäkstan

Taşkentta Üzbäkstan – Tatarstan Êş forumı uzdı.Tatarstan ilbaşı Röstäm Miňnexanov häm yanındağı wäkillekneň Üzbäkstanğa êş säfäre qısasında ütkärelgän forumda  Üzbäkstan häm Tatarstannan yuğarı däräcäle citäkçelär häm êşmäkärlär qatnaştı.  

Forum açılışında çığış yasağan Üzbäkstan prem’yer-ministr urınbasarı Gulamcan İbragimov ileneň Rusiya belän töbäklär arası xezmättäşlekne üsterügä zur ähämiyät birüen ,ike il arasında imzalanğan xökümätlär arası kileşüneň xezmättäşlekne kamilläşterü öçen nıqlı asqorma buldıruın belderde.

İbragimov Üzbäkstan belän Tatarstan arasındağı säwdä häm iq’tisadi mönäsäbätlärneň potenŝialdan bik tübän buluın belderep, bu potenŝialnı tağın da arttıru öçen böten mömkinleklär buluın assızıqladı. Üzbäkstan prem’yer-ministr urınbasarı Gulamcan İbragimov Tatarstan belän êlektrotexnika,nefteximiya,azıq-tölek, awıl xucalığı êşlänmälären êşkärtü ,tekstil’ häm maşina tözelege tarmaqlarında xezmättäşlekne üsterergä teläwlären belderde.

Tatarstan ilbaşı Röstäm Miňnexanov ta Üzbäkstanğa küp sanda ministr häm êşmäkär belän kilülären , yaqlar arasında xezmättäşlekneň yaňa yünäleşlären bilgeläw häm urtaq proyektlarnı tormışqa aşırunı maqsat itep quyuların citkerde.

Azärbaycan

Azärbaycannıň Törkiyädäge turizm wäkilçelege Azärbaycannıň törek investorları häm turistların kötep qaluın belderde.

Wäkilçelektän yasalğan belderügä kürä, yıllıq neft’ rezervı 8 milliard miçkädän kübräk bulğan Azärbaycan turizmnı üsterü öçen êşkä kereşte.

İke däwlät, ber millät aňlayışı nigezendä Törkiyä belän köçle bäyläneşlärgä iyä bulğan Azärbaycan awıl xucalığı, azıq-tölek citeşterü ,tözeleş, ximiya sänäğäte , tekstil’ häm turizm tarmaqlarında törek investorlar öçen yaxşı forsatlar täq’dim itä.

Azärbaycannıň turizm wäkilçelege direktorı Nurlana Çakmak mäs’älä belän bäyle açıqlawında Azärbaycanda turizm tarmağında zur üzgäreşlär küzätelüen, investorlar belän bergä törek turistların da kötep qaluların citkerde.

Çakmak Azarbaycannı barı tik neft’ häm tabiği gaz çığanaqları belän genä tügel, şul uq waqıtta tarixı, mädäniyatı,tabiği maturlıqları, tämle rizıqları belän dä  tanıtırğa teläwlären belderep uzğan yıl turizm tarmağında êşçänleklär başqaruların häm bu kereşülärneň il külämendä tağın da artıp däwam itüen assızıqladı.

Nurlana Çakmak 13 ilgä viza aluda ciňellek tudırıluın ,İstanbul,Rusiya häm Dubaida turizm ofisları açıluın, Azärbaycannı tanıtu öçen törle çaralar ütkärelüen, Törkiyäneň bu ölkädäge täcribäsenä zur ähämiyät birülären häm annan ürnäk aluların belderde.

Törkiyä häm Azärbaycan xalıqlarınıň şaqtıy urtaq yaqları buluın beldergän Çakmak tübändägelärne citkerde:”Sin dä Azärbaycannı kür”dip töreklärne ilebezgä çaqırıp qalabız. Azärbaycanda xalıqara çaralarnıň uzuı turizmnı da canlandırdı. Yıllıq turist sanı 2 millionnan kübräk. Kiläse 5 yılda bü kürsätkeçne 3 million yarımğa citkerüne maqsat itep quyabız.Här tarmaqtağı yaqınlıq bu barışta  töreklär öçen möhim östenlek. Sezne Azärbaycanğa kötep qalabız”.

 Qazaqstan

Qazaqstan awıllarğa da tiz internet kertergä cıyına.

Qazaqstan informaŝiya häm êlemtä ministrı Dauren Abayev 2020 nçe yılğa qadär awıllarda yäşäwçe 2 millionnan kübräk keşeneň  tiz internetqa ireşäçägen belderde.

Abayev ministrlar şurası cıyılışında “Ŝifrlı Qazaqstan däwlät programması” qısasında  şähar häm awıllar arasındağı digital’ defiŝitnı beterü öçen 122 şähär häm 1200 awılda fibr optik êlemtä liniyäläre aradaşçılığı belän tiz internetqa ireşelüen citkerde. 

1800 awılğa fibr optik êlemtä liniyäläre ütkäreläçägen beldergän Dauren Abayev:”Proyekt 2 millionnan kübräk watandaşnıň sıyfatlı internetqa ireşüe digän süz. Proyektnı 2018 – 2020 nçe yıllarda tormışqa aşıru planlaştırıla”,- dide.

Qazaqstan informaŝiya häm êlemtä ministrı 2021 nçe yılğa qadär tuplam 24 meň çaqrım fibr optik êlemtä liniyäse ütkäreläçägen ,tiz internetqa ireşüneň xalıqnıň êlektron-däwlät aşa interkaktiv mäğarif häm mediŝina xezmätlärennän faydalanunı ciňeläytäçägenä basım yasadı.

Qazaqstan 2021 nçe yılğa qadär 18 million xalqınıň 81%ın internet belän täêmin itüne planlaştıra.