Qazaqstanda su taşqınnarı
Qarlar êregännän soñ ildä zur su basular küzätelä
![Qazaqstanda su taşqınnarı](http://cdn.trt.net.tr/images/xlarge/rectangle/df0f/009d/f64c/66139804c4ba3.jpg?time=1722045182)
Qazaqstanda qarlar êregännän soñ barlıqqa kilgän taşqınnardan zıyan kürgän cirleklärdän 100 meñnän artıq keşe qotqarıldı. 10 töbäktä 3 meñnän artıq öy su astında qaldı, yullar, küperlär häm başqa asqorma cimerelde.
Su basu säbäple Könbatış Qazaqstan, Atrau, Aqtübä, Kostanay, Pavlodar, Aqmulla, Karaganda häm Ulutaw töbäklärendä ğadättän tış xäl iğ’lan itelde. Su astında qalğan awıllardan mallarnı da qotqardılar. Barlığı 81 meñ baş xaywan çığarıldı.
İldä könne töngä yalğap däwam itüçe êvakuaśiyä häm su basularğa qarşı çaralar kürü êşçänlegendä 23 meñ xezmätkär wazıyfa başqara.
Zıyan kürüçelärgä 134 tonna gumanitar yärdäm iltelgän. Älege töbäklärdä xökümät yaña öylär töziyäçägen häm kompensaśiyä tüli başlawların citkerde.
Bäyläneşle xäbärlär
![Qırğızstandağı su basular küpme "can aldı"?](http://cdn.trt.net.tr/images/medium/rectangle/bbe2/a68f/1f21/66a25d4ba023d.jpg?time=1722045182)
Qırğızstandağı su basular küpme "can aldı"?
İldä su basu afäte arqasında 6 ayda 22 keşeneñ ğomere özelde