Qazaqstanda yazğı taşqınnar

Qazaqstanda qarlarnıñ êrüe belän barlıqqa kilgän taşqınnar arqasında 13 659 keşe êvakuasiyalängän, 49 awılğa yullar yabılğan.

İldä küp qar yawğan qıştan soñ hawanıñ cılınuı belän yazğı taşular küzätelä.

Taşqın arqasında şaqtıy awılnı su basqan, böyälär tulğan.

İlneñ könbatış, könçığış, tön'yaq häm urta töbäklärendäge yullar häm küperlär dä su astında qalğan.

Ğadättän tış xällär ministrlığı da 13 659 keşeneñ êvakuasiyalänüen, bolarnıñ 1655eneñ boralaqlar belän qotqarıluın açıqladı.

Qazaqstan İlbaşı idaräsennän yasalğan belderügä kürä ilbaşı Qasıym Comart-Toqayev xökümätneñ bäyläneşle oyışma citäkçeläre belän uzdırğan cıyılışta barlıqqa kilgän su basunıñ soñğı 30 yılnıñ iñ zurısı buluın äytte.

"İñ berençe wazifabız - ülemnärne buldırmaw," - dide däwlät başlığı. 

Su basuda zıyan kürgän töbäklärgä kiräkle yärdämne kürsätäçäklären beldergän Toqayev watandaşlarnıñ matdi yuğaltularınıñ da däwlät yäisä êş dön'yası tarafınnan qaplanaçağın citkerde.