İlham Äliyev qayğı belän urtaqlaştı

Rusiyä däwlät başlığı Vladimir Putin belän Azärbaycan ilbaşı İlham Äliyev Mäskäwdäge terror höcümen söyläşte.

Azärbaycannıñ İlbaşı idaräsennän yasalğan belderügä kürä Äliyev Putinğa telefonnan şaltıratıp, “Krokus Siti Xoll” isemle konŝert zalına oyıştırılğan höcümdä ğomere özelüçelär öçen qayğı belän urtaqlaştı.

Äliyev höcümne ğayepläwen belderep, ile häm xalqınıñ bu awır çorda Rusiyä häm rus xalqı yanında buluın citkerde.

İke lider terrorçılıqqa qarşı köräştä urtaq tırışlıqlarnıñ kiläçäktä dä däwam itäçägen assızıqladı.

Rusiyä tikşerü komitetı da Mäskäwdäge terror höcümendä ülüçelär sanınıñ 137gä kütärelüen açıqladı.