Çikne bilgeläw êşçänlekläre başlana

Ärmänstan prem’yer-ministrı Nikol Paşinyan ile belän Azärbaycan arasındağı çikne bilgeläw êşçänleklärendä ğamäli êtapka küçäçäklären äytte.

Ärmänstan xökümäteneñ YouTube säxifäsendä urın alğan video yazmağa kürä prem’yer-ministr Nikol Paşinyan Azärbaycan belän çik bilgeläw êçänlekläre başqarılaçaq awıllarğa bardı.

Paşinyan Tavuş töbägendä belderü yasap bolay dide: “Ärmänstan belän Azärbaycan arasındağı çikne bilgeläw häm sızu barışı ğamäli êtapka kerä. Çikne bilgeläw komissiyaläre barıp, Ärmänstan Cömhüriyäte çikläreneñ qaydan başlanuına qarar birergä tiyeş häm monıñ Ärmänstan Cömhüriyäte belän Azärbaycan Cömhüriyäte arasındağı däwlät çige buluı zarur.”

Paşinyan Ärmänstan çiklärendä ber millimetrlık üzgäreşneñ dä bulmayaçağın, monıñ öçen Töp qanunğa kürä barlıq xalıq qatnaşında ütkäreläçäk referendumnıñ kiräk bulaçağın citkerde.

Çiklär bilgelänmägän sayın ut açunıñ normal’ wazğıyät’ buluın beldergän Paşinyan çik bilgeläw êşçänleklärenä qarşı çığunıñ näticälär tudıraçağın da assızıqladı.