Qırğızstan Törkiyädän yärdäm soradı
Bişkäktä TÊŚta çıqqan yanğında 5 keşe yaralanğan ide
Qırğızstan Bişkäktäge TÊŚta barlıqqa kilgän yanğında awır yaralanuçılarnı däwalaw öçen Törkiyädän yärdäm soradı.
Qırğızstan sälamätlek saqlaw ministrlığınnan yasalğan belderügä kürä däwlät başlığı Sadır Caparovnıñ boyırıqları belän Sälamätlek saqlaw ministrı Alımkadır Bäyşänaliyev törek wazıyfadaşları belän êlemtä qordı.
Törkiyäneñ iñ yaxşı belgeçlärennän berse bulğan professor, doktor Koray Daş belän termal’ peşekläre bulğan yaralanuçılarnı däwalaw ısulları quzğatılğan onlayn konsul’taśiya uzdırıldı.
Şulay uq yaralanuçılarğa cirle belgeçlär belän bergä yärdäm kürsätäçäk ike törek tabibınıñ Bişkäkkä baruı kötelä.
Başqala Bişkäktä öylärne qaynar su häm cılılıq belän täêmin itüçe TÊŚta çıqqan yanğında 5 keşe yaralanğan ide. Alarnıñ ikese awır xäldä.
Sälamätlek saqlaw ministr urınbasarı Mädärbäk İsmäğıylov matbuğat oçraşuında açıqlaw yasap, awır yaralanuçılarnıñ qulları häm yözläreneñ 80%ka peşüen äytkän ide.