Törki däwlätlär oyışması äğ’zaläre arasındağı säwdä
Törkiyä säwdä ministrı Ömär Bolat: "Törki däwlätlär oyışması äğ’zaläreneñ üz aralarındağı säwdäse 2022nçe yılda 33 milliard dollar bulsa, 2023nçe yılda 42 milliard dollarğa kütärelde"
Törkiyä säwdä ministrı Ömär Bolat Törki däwlätlär oyışması äğ’zaläre arasındağı säwdädä soñğı yıllarda zur artış buluın belderep: "Äğ’za illärneñ üz aralarındağı säwdä 2022nçe yılda 33 milliard dollar bulsa, 2023nçe yılda 42 milliard dollarğa kütärelde”, - dide.
Bolat İstanbulda oyıştırılğan Törki däwlätlär köndäşlek şurasınıñ Berençe cıyılışı häm śeremoniyäsendä yasağan çığışında: "Äğ’za illärneñ üz aralarındağı säwdä 2022nçe yılda 33 milliard dollar bulsa, 2023nçe yılda 42 milliard dollarğa kütärelde. Bu bezneñ äğ’za illärebezneñ dönyağa yasağan tuplam êksportlarınıñ keçkenä öleşen täşkil itä”, - dip äytte.
Törki däwlätlär oyışması qarşındağı Köndäşlek oyışmaları şurasınıñ räsmi räweştä tözelüen iskärtep uzuçı Bolat bu şuranıñ iq’tisad êlemtälärendä, säwdä mönäsäbätlärendä, citeşterüdä häm dönyadağı täräqqıyätlärne küzätü yağınnan mäğ’lümat häm täcribä belän urtaqlaşu bularaq bik möhim missiyäne üz östenä alaçağın belderde.
Ömär Bolat: "Üsep kilüçe illärdä köndäşlek kul’turasınıñ häm añlayışınıñ cäyelüe, strukturalaştırıluınıñ täêmin itelüe nisbätennän Köndäşlek şurası möhim êşçänlek alıp bara. Bez dä Säwdä ministrlığı bularaq böten şuşı alğarışlarnı täq’dir belän küzätäbez häm xuplıybız”, - dip äytte.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä