Azärbaycan Ärmänstan belän tınıçlıq urnaştırırğa ömetlänä

Azärbaycan däwlät başlığı kiñäşçese Xikmät Xaciyev ileneñ Ärmänstan belän solıx tözergä maqsat itep quyuın belderde. Ul “Berliner” gazetına interv’yusında ike aradağı mönäsäbätlärdä qayber uñay üzgäreşlär buluın söyläde.

Xaciyev ike atna êlek Azärbaycan däwlät başlığı İlham Äliyev belän Ärmänstan xökümäte räise Nikol’ Paşin’yan arasında bulğan uñay dialogqa da iğ’tibarnı cälep itte häm monnan alda uñışlı äsir almaşu yasawların da xäterlätte.

Kiñäşçe ikeyaqlı söyläşülärneñ çit aradaşçıdan başqa alıp barıluın da äytte häm ike il arasaında Zäñgäzur koridorı şikelle bäxäsle mäs’älälärneñ äle haman buluın iskärtep, Ärmänstan belän tınıçlıq urnaştıruğa ömetlänülären citkerde.