Qırğızstan-Tacikstan çigeneñ tağın ber öleşe bilgelände

Qırğızstan xökümäteneñ matbuğat xezmätennän yasalğan belderügä kürä, çik buyın bilgeläw wäkillekläre 1nçe-8nçe noyabr’ könnärendä Tacikstannıñ Buston şähärendä oçraştı.

Êş törkemnäre Qırğızstan-Tacikstan däwlät çigeneñ tağın 17,98 çaqrımı turında kileşügä ireşte häm bu mäs’älädä protokol imzaladı.

Qırğızstan belän Tacikstan arasındağı yaqınça 970 çaqrımlıq çigeneñ 503 kilometr öleşendä bäxäs bar ide. Çik buyındağı awıllarda yäşäwçelär başlatqan bäreleşlärgä qayçağında ike ilneñ qorallı köçläre dä quşıla ide. 2022nçe yılnıñ 14nçe sentyabr’däge soñğı bäreleşlär waqıtında ike yaqtan da distälärçä keşe häläq bulğan ide.

Êlekke Sovetlar Berlege tarqalğannan soñ barlıqqa kilgän çik buyı kileşmäwçänlegen xäl itü öçen buldırılğan êş törkeme moña qadär dä çikneñ bäxäsle öleşeneñ 145 çaqrımı östendä kileşü täêmin itelgän ide.