Törekmänstan Ğıyraqqa tabiğıy gaz êksportın planlaştıra

Törekmänstan svop kileşü belän İran aşa Ğıyraqqa yılına yaqınça 10 milliard kub metr tabiğıy gaz êksportlawnı planlaştıra.

Törekmänstannıñ “Altın Ğasır” televideniye kanalı xäbärenä kürä “Türkmengaz” däwlät oyışması başlığı Maksat Babayev häm yanındağı wäkillek Ğıyraq başqalası Bagdatta Êlektr ministrı Ziyad Ali Fadel belän küreşte.

Söyläşüdä ike il arasında ênergetika tarmağındağı xezmättäşlek mäs’äläse qaraldı häm “Türkmengaz” däwlät oyışması belän Ğıyraqnıñ Êlektr ministrlığı arasında gaz tarmağında xezmättäşlekkä qarağan kileşü berketmäse imzalandı.

Kileşü qısalarında İran aşa svop yärdämendä yılına yaqınça 10 milliard kub metr Törekmänstan tabiğıy gazınıñ Ğıyraqqa cibärelüe plaşlaştırıla.

Gaznı qudıru öçen İrannıñ Milli gaz şirkäte belän söyläşülär alıp barıla.