İlham Äliyev belän Paşinyan Granadada küreşäçäk
Oçraşu 5 oktär’dä 3nçe AST Awrupa säyäsi cämğıyäte cıyılışı qısalarında kötelä
Azärbaycan ilbaşı İlham Äliyev häm Ärmänstan prem’yer-ministrı Nikol Paşinyannıñ 5 oktär’dä 3nçe AST Awrupa säyäsi cämğıyäte cıyılışı oyıştırılaçaq İspaniyaneñ Granada şähärendä küreşep söyläşüe küzallana.
Awrupa Berlegeneñ çirattağı räise wazifasın başqaruçı İspaniyadä ütkäreläçäk 3nçe AST cıyılışınıñ töp kön tärtibe maddälärennän bersen Azärbaycan häm Ärmänstan täşkil itäçäk.
İspaniyaneñ Ministrlar kabinetı häm Awrupa Berlege çirattağı räislegeneñ koordinaŝiya ofisı çığanaqlarınnan alınğan mäğlümatlarğa kürä Äliyev häm Paşinyan uzdıraçaq söyläşüdä Awrupa Berlege şurası başlığı Şarl’ Mişel’ belän Franŝiya däwlät başlığı Êmmanuêl’ Makron qatnaşaçaq.
Şul uq çığanaqlar Awrupa Berlegeneñ Azärbaycan belän Ärmänstan arasındağı problemalarnıñ çişeleşendä aradaşçı bulırğa telämäwen, barı tik daimi, ğadel, milli möstäqıyl’leklärne saqlawçı häm xalıqara xoquqqa yaraqlı tınıçlıqnı täşwik itärgä teläwen citkerde.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
