Tatarstanda Äfğanstan cıyılışı

Rusiyä Federaśiyäsenä (Федерациясенә) bäyle Tatarstan Cömhüriyätendä Äfğanstan mäs’äläsendä bıyıl bişençese oyıştırılğan "Mäskäw formatı" cıyılışında çığış yasawçı (ясaучы) “Taliban” waqıtlı xökümäteneñ tışqı êşlär ministrı wäkile Ämirxan Muttaki: "Bigräk tä töbäk illäreneñ bezgä törle idarä şäkellären täq’dim itü urınına bezneñ belän här ölkädä räsmi xezmättäşlek urnaştıruların telibez”, - dip äytte.

Monnan arı regional’ bäyläneşle proyıktlarnıñ Äfğanstanğa yünältü waqıtınıñ citüen belderüçe Muttaki “Taliban” citäkçelegeneñ bu mäs’älädä kiräkle böten uñaylıqlarnı täêmin itärgä äzer buluın äytte.

Muttaki uzğan ike yılda bernindi yärdämgä ixtıyac toymıyça ildä iminlekne urnaştıruların, byudjetnı bäysezläşterülären, narkotikqa qarşı köräştä uñışqa ireşülären, säwdäne nığıtuların häm tranzit kiçülärne ciñeläytülären iskärtep uzdı.

“Taliban” xökümäteneñ Äfğanstanda qısqa waqıtta säyäsi, iq’tisadi häm iminlek nigezlären yañadan tözülären añlatuçı Muttaki oppoziśiyä (оппозиция) oyışmalarına qarşı köräşülären tizlätülären häm bu räweşle (рәвeшлe) “DEAŞ”nıñ böten sıyınır urınnarınıñ yuq itelüen belderde.

Muttaki Äfğanstan cirläreneñ dönya häm bigräk tä töbäk illäre öçen bernindi qurqınıç tudırmawına basım yasadı.

Uzğan 45 yılda güyä kiñ qolaçlı xökümätlär töşençäseneñ hiçber problemanı xäl itä almawına iğ’tibarnı yünältüçe Muttaki şuña kürä xalıqnıñ dinen, tarixın, mädäniyäten häm säyäsi çınbarlıqların iğ’tibarğa alğan dini häm milli legitimlığı bulğan xökümät tözülären bilgeläp uzdı.

Rusiyä, Qıtay, Hindstan, İran, Paqıstan, Qazaqstan, Qırğızstan, Üzbäkstan, Tacikstan häm Törekmänstan wäkilläre qatnaşqan Tatarstan başqalası Qazandağı cıyılışqa Törkiyä, Soğud Ğaräbstanı, Berläşkän Ğaräp Ämirlekläre häm Qatar da qatnaşuçını cibärde.