Törkiyä-Rusiyä urtaq üzäge Qarabaxta
Törkiyä-Rusiyä urtaq üzäge Azärbaycannıñ uñışlı tämamlağan antiterror operaśiyäsennän (операциясеннән) soñ ärmän törkemnäre qoral taşlıy başlağan Qarabaxta soñğı ike köndä utnı tuqtatunıñ bozılmawın bilgeläde
Azärbaycannıñ Ärmänstan yawınnan azat itkän Qarabaxta utnı tuqtatunı kontrol’ itü häm küzätü öçen tözelgän Törkiyä-Rusiyä urtaq üzäge êşçänlegen däwam (дәвам) itä.
2021nçe yılnıñ 30nçı ğıynwar’ könennän birle êşläwçe Üzäkneñ êşçäñlege Törkiyä häm Rusiyä wäkillekläre äzerlägän wazıyfalar häm cawaplılıqlar kürsätmäse nigezendä alıp barıla.
Töbäktä tınıçlıq belän xozurnıñ urnaştırıluı öçen wazıyfa başqaruçı Üzäk keşesez hawa apparatları belän ber rättän üz küzätü cihazları belän bozu oçraqların bilgeli, här ike yaqtan citkerelgän bozu oçraqların terkäp bara.
Bu qısada Qarabax iq’tisad töbägendä utnı tuqtatunıñ 24 säğat’ däwamında (дәвамында) ütälüen tikşerüçe Törkiyä-Rusiyä urtaq üzäge citäkçelege tarafınnan 25nçe-26nçı sentyabr’ könnärendä utnı tuqtatu oçrağınıñ terkälmäwe belderelde.
Azärbaycan qorallı köçläre 19nçı sentyabr’dä Qarabaxta konstituśion (конституцион) tärtipneñ urnaştırıluı maqsatınnan çığıp antiterror operaśiyäsen (операциясен) başlatqan, Qarabaxtağı qanunsız ärmän qorallı köçläre yaqınça ber täwlek buyı däwam (дәвам) itkän operaśiyädän (операциядән) soñ qoralların taşlağan, güyä ärmän idaräse qorallı köçlären tarqatqan ide.
Azärbaycan Qarabax ärmännäreneñ wäkillären integraśiya (интеграция) mäs’älälären söyläşü öçen çaqırğan ide. Berençese 21nçe sentyabr’dä Yawlax (Яулах) şähärendä ütkärelgän integraśiya (интеграция) söyläşüläre däwam (дәвам) itä.
Azärbaycan ğaskäreneñ 2020nçe yılnıñ 27nçe sentyabr könne başlatqan "Ber watan xäräkäte" belän Ärmänstannıñ yawı astındağı 5 şähär üzäge azat itelgännän soñ Ärmänstan 10nçı noyabrdä ciñelüne qabul itkän, yaw astındağı Ağdam, Laçın häm Kälbäcär vilayätlärennän dä kitü yöklämäse alınğan beldergegä qul quyğan ide.
Beldergedä taraflarnıñ utnı tuqtatunı ütäwe, tikşerü näticälelegeneñ arttırıluı maqsatınnan çığıp küzätü üzägeneñ oyıştırıluı qararına kilengän ide.
Törkiyä-Rusiyä urtaq üzäge turındağı kileşü memorandumına Törkiyä häm Rusiyä saqlanu ministrları qul quyğan, Üzäk 2021nçe yılnıñ 30nçı ğıynwar’ könne oyıştırılğan tantana belän êşçänlegenä başlağan ide.
