“Törkiyä texnologiya taqımı” waqıfı Baqıda Xalıqara ğaläm kongressında qatnaşaçaq

Waqıftan yasalğan belderügä kürä, kongressta üz stendı belän qatnaşaçaq “T3” waqıfı “TEKNOFEST”tä proyıkt uylap çığarğan 500 yarışmaçını (konkursantnı) da ğaläm kongressına alıp baraçaq. Kongressta “Törkiyä texnologiya taqımı” waqıfınıñ popeçitel’lär şurası räise häm “TEKNOFEST” İdarä şurası başlığı Sälçuk Bayraqtar da qatnaşaçaq.

Belderüdä mäs’älä belän bäyle bäyäläwläre citkerelgän Sälçuk Bayraqtar: "Ğaläm tiränlegenä çumılaçaq, fänni tikşerenülär täq’dim iteläçäk 74nçe Xalıqara ğaläm kongressı 2nçe-6nçı üktäbr’dä Azärbaycanda uzaçaq. Bez dä “TEKNOFEST”tä proyıkt citeştergän 500 yarışmaçıbız belän bergä anda bulaçaqbız. Kük yöze böten bilgesezlege belän bezne tikşerenügä êtärgändä ber ük kük yözeneñ astında Baqıda oçraşıyq”, - dip belderde.

Birelgän mäğ’lümatkä kürä, böten global’ ğaläm aktyorları cıyılaçaq möhim çara bulğan Xalıqara ğaläm kongressı här yıl 6 meñnän kübräk qatnaşuçını qabul itä.

Böten ğaläm tarmaqların häm temaların çolğap aluçı programma härkemgä fändäge häm industriyädäge iñ soñğı kosmos mäğ’lümatlären häm alğarışların, çeltär buldıru forsatların, şäxsi häm potenśial (потенциаль) urtaqlıqlarnı täq’dim itä.

Xalıqara ğaläm kongressı, här yıl ilne, temanı häm cirle organizatornı almaştırıp, härkemneñ dönya ğaläm säxnäse turında tağın da kübräk mäğ’lümat aluına häm bu säxnäneñ öleşe buluına mömkinlek birä.