AQŞta Törki däwlätlär oyışması ministrları cıyıldı
Amerika Quşma Ştatlarınıñ N’yu-York (Нью-Йорк) qalasında Törki däwlätlär oyışması tışqı êşlär ministrlarınıñ räsmi bulmağan cıyılışı ütkärelde
N’yu-Yorkta (Нью-Йоркта) urnaşqan “Törek yortı”nda (йортында) oyıştırılğan cıyılışta Törkiyä Tışqı êşlär ministrı Xaqan Fidan da qatnaştı.
Cıyılışta Azärbaycannıñ Qarabaxtağı antiterror operaśiyäse (операциясе), 10nçı Törki däwlätlär oyışması zammitına äzerlek êşläre, oyışmanıñ Berläşkän Millätlär Oyışması Ğomum Şurası häm İslam xezmättäşlek oyışması kebek başqa xalıqara oyışmalar belän mönäsäbätläre häm instituśional’ (институциональ) qorılışnıñ (strukturanıñ) nığıtıluı mäs’äläläre qarap çığıldı.
Cıyılışta Törki däwlätlär oyışmasına äğ’za illär Azärbaycan, Qazaqstan, Qırğızstan, Üzbäkstan, küzätüçe äğ’za illärdän Macarstan (Vengriya) häm Tön’yaq Kipr Törek Cömhüriyäte qatnaştı.
Xaqan Fidan cıyılıştan soñ Azärbaycan tışqı êşlär ministrı Cäyhun Bäyrämov belän küreşte.
Bäyrämov söyläşüdän soñ “Törek yortı”na (йортына) Qarabaxqa xas bizäklärgä iyä yefäk kelämne büläk itte.
Fidan “Törek yortı”na (йортына) büläk itelgän keläm öçen Bäyrämovqa räxmät äytte.
Törki däwlätlär oyışması Azärbaycan, Qazaqstan, Qırğızstan, Üzbäkstan, Törkiyä äğ’za, Macarstan (Vengriya), Tön’yaq Kipr Törek Cömhüriyäte häm Törekmänstan küzätüçe statusında bulğan törki däwlätlärdän tora.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
