Gagauz cire başlığı: “Törkiyä belän mönäsäbätlär cılı häm qardäşlekkä nigezlängän”
Moldovağa bäyle Gagauz üzidaräle töbäge başlığı Yevgeniya Guśul (Евгения Гуцул) Törkiyä belän "cılı" häm "qardäşlekkä" nigezlängän mönäsäbätlärne tağın da kübräk üsterüne planlaştıruların äytte
May ayında “Başkan” (başlıq) bulıp saylanğannan soñ berençe çit il säfären Törkiyägä yasağan häm Tışqı êşlär ministrı Xaqan Fidan belän küreşkän Guśul (Гуцул), Törkiyä belän Gagauz üzidaräle töbäge arasındağı mönäsäbätlärgä tuqtalıp uzıp:
"Gagauz üzidaräle cire häm Törkiyä arasındağı mönäsäbätlär cılı häm qardäşlekkä nigezlängän. Törkiyä 30 yıldan kübräk töbäkne yaqlıy. Älbättä, törek tarafınıñ tormışqa aşırğan bik küp proyıktıbız bar. Bolar iq’tisad, sośial (социаль) häm asqorma proyıktları. Qardäş xalıqnıñ yärdäme xis itelä häm bez monı xis itäbez”, - dip äytte.
Gutsul (Гуцул), İlbaşı Räcäp Tayyip Ärdoğannıñ 2018nçe yılda Moldovada häm Gagauz üzidaräle cirendä buluın iskä töşerep: "Bu säfär Gagauz xalqı öçen zur waqıyğa buldı. Çönki Ärdoğannıñ säfärennän soñ töbäktä tağın da kübräk proyıkt tormışqa aşırıla başlandı. Mönäsäbätlärebezne tağın da kübräk üsterüne planlaştırabız", - dip bäyäläw yasadı.
Törkiyädä Gagauziyadan kilgän küp sanda keşe buluına iğ’tibarnı yünältüçe Gutsul (Гуцул) Änkarada Gagauz wäkilçelegen açunı planlaştıruların belderde.
Gutsul (Гуцул), Törkiyäneñ yaña tör koronavirus (Kovid-19) kizüe waqıtında gagauz xalqına yärdäm itüen belderep:
"Törkiyä kizü waqıtında bik yärdäm itte. Korona virusın yoqtıruçılar sanı artıq küp bulmadı. Bu da törek yağınıñ yärdämnäre näticäsendä buldı. Ayıruça gagauzlarğa Törkiyädä buşlay däwalanu mömkinlege birelä. Bu töbägebez öçen bik möhim. Çönki sälamatlek saqlaw ölkäse bezdä bik üseş almağan, xalıqnıñ da däwalanunıñ yuğarı çığımnarın qaplaw mömkinlege yuq”, - dip äytte.
Törkiyä belän säwdä ölkäsendäge mönäsäbätlärneñ dä üsärgä däwam (дәвам) itüenä iğ’tibarnı yünältüçe Gutsul (Гуцул) töbäkkä investiśiyälärneñ (инвестицияләрнең) kertelüe maqsatınnan çığıp fond tözüne planlaştıruların añlattı.
Gutsul (Гуцул) ayıruça, gagauzlarnıñ milli bäyrämnärendä Törkiyädän dä küp sanda turist qatnaşuın citkerep: "Mädäni qıymmätlärebezne, duslıq mönäsäbätlärebezne üsterergä däwam (дәвам) itäçäkbez, ike yaqlı säfärlärebezne arttıraçaqbız”, - dip bilgeläp uzdı.
