Äliyev (Әлиев) Ärdoğanğa räxmät äytte

Azärbaycan ilbaşı İlham Äliyev (Әлиев) Türkiyä ilbaşı Räcäp Tayyip Ärdoğanğa Berläşkän Millätlär Oyışmasınıñ 78 nçe ğomum şurasında yasağan möräcäğatendä Azärbaycanğa yaqlaw kürsätkän öçen räxmät belderde. 

Äliyev (Әлиев) üzeneñ "X" akkauntında bolay dip yazdı:”Ğaziz qardäşem. BMO ğomum şurasındağı çığışığızda Azärbaycanğa yaqlaw kürsätkän öçen sezgä räxmät äytäm. Türkiyä härwaqıttağıça bügen dä Azärbaycannıñ yanında häm xaqlı däğ’wabıznı yaqlıy.

Azärbaycan belän Türkiyä yaxşı waqıtta da, awır könnärdä dä härwaqıt bergä. Xalıqara oyışmalarda gel ber-berebezneñ xaqlı totışların yaqlıybız. Şuşa deklaraśiyäse belän mönäsäbätlärebez strategik berlektäş däräcäsenä kütärelde.

Sez dä, min dä Azärbaycannıñ milli liderı Xäydär Aliyıvneñ qardäşlegebezneñ simvolı bulğan “ber millät, ike däwlät” süzlären härwaqıt iskä töşerep, Azärbaycan belän Türkiyä arasındağı qaqşamas berdämlekne yaña biyeklekkä kütäräbez”.

Türkiyä ilbaşı Ärdoğan kiçä Amerika Quşma Ştatlarınıñ N’yu-York ((Нью-Йорк)) şähärendä BMOnıñ 78 nçe ğomum şurasındağı möräcäğatendä “Härkem qabul itkänçä Qarabax – Azärbaycan cire. Monnan başqa status quyu berqayçan qabul itelmäyäçäk. Härber keşe, şul isaptän ärmännärneñ, Azärbaycanda bergä, tınıçlıqta yäşäwe töp maqsatıbız bulırğa tiyeş. Azärbaycannıñ cir bötenlegen saqlaw yünäleşendä qabul itelgän adımnarın xuplıybız” dip äytkän ide.