“Kiprda ike ayırım xalıqnıñ häm däwlätneñ buluı çınbarlığın iskä töşeräbez”

Tön’yaq Kipr Törek Cömhüriyäte tışqı êşlär ministrlığınnan yasalğan yazmaça belderüdä Şuranıñ tulısınça humanitar maqsatlardan çığıp Pilädä yäşäwçe watandaşlarnıñ Tön’yaq Kipr Törek Cömhüriyäte cirlärenä baruın ciñeläytü öçen salına başlanğan Pilä-Yiğitlär yulı belän bäyle qızğanıç belderü yasawı äytelde. 25 yıldan kübräk uzğanlığı bulğan proyıkt belän bäyle bularaq Tön’yaq Kipr Törek Cömhüriyäte räsmiläreneñ härwaqıt konstruktiv totışta buluı häm xezmättäşlekkä çaqıruı belderelde.

Berläşkän Millätlär Oyışması belän bergä bäyläneşle yaqlarnıñ yul salınuın tänqıytläwneñ şaqtıy mäğ’näle buluı citkerelgän belderüdä bolay dip äytelde:

"BMO Tınıçlıq köçeneñ häm qayber illärneñ mäs’älägä qağılışlı belderülärendä bulğanı kebek BMO İminlek Şurası belderüendä dä yäşängän wazğıyät bozıp kürsätelä. BMO Tınıçlıq köçeneñ utrawdağı töp wazıyfası tınıçlıqnı täêmin itü. Yuğıysä 18nçe avgustta barlıqqa kilgän kiyırenkelektä Tınıçlıq köçe ğaskäriläre häm maşinaları belän tulısınça humanitar säbäplär belän qamilläşterelgän, xärbi maqsatı bulmağan proyıktnı totqarlarğa tırışqan häm qotqı saluçı totışın kürsätte".

BMO Tınıçlıq köçeneñ Kipr törek yağınıñ rizalığınnan başqa, Tön’yaq Kipr Törek Cömhüriyätendä yaxşı niyätle totış arqasında barlığın häm êşçänlegen alıp baruına işarät itelgän belderüdä:

"Byudjetınıñ yartısı diyärlek Kön’yaq Kipr grek citäkçelege häm Greśiya (Греция) tarafınnan qaplanğan BMO Tınıçlıq köçeneñ utrawdağı yaqlarğa tarafsızlıq nigeze qısalarında totış kürsätüdän ni qadär yıraq buluı häm utrawda barı tik ber yaqnıñ süzçelege wazıyfasın ütäwe (үтәве) – yäşängän bu waqıyğa näticäsendä tağın ber qat bilgele buldı”, - dip äytelde.

Här suveren däwlät kebek Tön’yaq Kipr Törek Cömhüriyäteneñ dä üz cirlärendä watandaşlarınıñ faydasına bulaçaq proyıktlarnı başqaru wäqaläte buluına basım yasalğan belderüdä Pilä awılı belän bergä buffer töbäktä (Yäşel sızıqta) küp sanlı bozuları bulğan Kipr grek töbägenä bernindi kisätü häm qatışu yasamağan BMO İminlek Şurasınıñ Pilä-Yiğitlär yulı êşçänlegeneñ yaqlar belän söyläşülär alıp barılıp başqarıluı çaqıruınıñ êzlekle häm ğadel qaraş bulmawı iskärtelep uzıldı.

Belderüdä, BMO İminlek Şurasınıñ tuzıp betkän formulanı kertergä tırışuına basım yasalıp: "İminlek Şurasına Kiprda ike ayırım xalıqnıñ häm däwlätneñ buluı çınbarlığın iskä töşeräbez”, - dip äytelde.