Qazaqstan Rusiyädän aşlıq importın tıyunı ozayttı

Qazaqstan säwdä häm integraśiya (интеграция) ministrlığınnan yasalğan belderügä kürä, ministr Särik Jumangarin räislegendä ütkärelgän oyışmalarara cıyılışta qatnaşuçılar 10nçı aprel’dä qabul itelgän avtoyul belän aşlıq importın tıyunıñ qayber iskärmälärdän qala tağın 6 ayğa ozaytıluı mäs’äläsendä kileşte.

Rusiyädän kontrabanda yulları belän ilgä kertelgän aşlıq kereşüen totqarlaw öçen qabul itelgän qarar qısalarında bu yulı barı tik avtoyul belän genä tügel, timer yul belän başqarılğan aşlıq importı da tıyıldı.

Qazaqstan (Казакъстан) matbuğatındağı xäbärlärdä legal’ bulmağan yullar belän ilgä kertelgän Rusiyä aşlığınıñ Üzbäkstan, Äfğanstan häm Tacikstan belän bergä öçençe illärgä arzanğa satıluı belderelgän ide. Bu wazğıyätneñ, Rusiyä kebek aşlıq êksportçısı bulğan Qazaqstandağı cirle citeşterügä häm êçke bazarğa tiskäre yoğıntı (йогынты) yasap, iq’tisadqa zarar birüe iskärtelep uzılğan ide.