Qırğızstanda Xalıq qorıltayı qararı
Qırğızstanda ilneñ kön tärtibendäge mäs’äläläre turında kiñäş qararın qabul itü wäqalätenä iyä Xalıq qorıltayınıñ statusı belän bäyle qanun raslandı
Qırğızstan İlbaşı Sadır Caparov parlament tarafınnan 29nçı iyün’dä qabul itelgän Xalıq qorıltayı turındağı qanunğa qul quydı.
Qanun belän Xalıq qorıltayına saylanaçaq delegat sanı, saylanu prinśipları (принциплары), Xalıq qorıltayı tarafınnan qaralaçaq temalar, citäkçelek organnarı häm Xalıq qorıltayınıñ qanun çığaru kereşüe xoquqın qullanu prośedurası (процедурасы) bilgelände.
Qırğızstanda 2021nçe yılda konstituśion (конституцион) üzgäreşlär refendumında Xalıq qorıltayı isemle wäkillekle organnıñ buldırıluı qabul itelgän ide.
Xalıq Qorıltayı berençe tapqır ilneñ üzennän häm çit ildän 148e xatın-qız, 924e ir buluı belän bergä tuplam 1 meñ 72 delegat qatnaşuında 25nçe noyabrdä cıyılğan ide.
Delegatlar şuşı berençe cıyılışta qorıltaynıñ statusı belän bäyle qanunnıñ qabul itelüen kiñäş itkän ide.
İlbaşı Caparov Xalıq qorıltayı belän bäyle bularaq äzerlängän qanun ölgesen parlamentqa tapşırğan ide.
