“Togg”lar Törekmänstanğa tapşırıldı
Türkiyäneñ “Togg” êlektrlı maşinaları Törekmänstanğa tantanalı räweştä tapşırıldı
Türkiyä sänäğät häm texnologiya ministrı Mäxmät Fatih Kacır häm “Togg” wäkillege isemen Pamukkalädäge travertinnardan alğan aq tösle ike maşinanı tantana belän Törekmänstan İlbaşı Särdar Bärdimöxämmädovqa tapşırdı.
Maşinalar Arkadağ aqıllı şähärneñ açılış tantanası waqıtında birelde.
Bärdimöxämmädov “Togg”nıñ “T10X” modelen sınap qaradı häm avtomobil’ne bik oşatuın äytte.
Atlı berleklär qatnaşuındağı kortejğa “Togg”lar da quşıldı.
Ministr Kacır biredä yasağan çığışında, aqıllı şähärne açu tantanasında törek injenerlarınıñ äsäre bulğan aqıllı cihazlarğa iyä “Togg” maşinaların täq’dim itüneñ bik mäğ’näle buluına iğ’tibarnı yünältep:
"Azärbaycan häm Qazaqstannan soñ Törekmänstanğa da “Togg” avtomobil’lären tapşıruıbız belän ğorurlanabız. Aldıbızdağı çorda “Togg” maşinalarınıñ barı tik Türkiyädä genä tügel, törki cömhüriyätlär häm qardäş geografiyabız belän bergä böten dönyada bik oşatılıp yuğarı bäyä aluın däwam itäçägen ömet itam,” – dip äytte.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä