Türkiyä häm Azärbaycan berdäm xärbi öyränülär başladı

Azärbaycan belän Türkiyä xärbi hawa köçläreneñ boralaqları berdäm öyränülär başladı. Çara Azärbaycanda uza. Älege ilneñ saqlanu ministrlığınnan yasalğan belderüdä äytelgänçä, “Alpan-2023”  dip ataluçı öyränülärdä boralaqlar doşmannıñ hawa saqlanu, komanda häm cıyılu urınnarın yıraq häm yaqın aradan ut açıp yuq itü künekmäläre başqara. Ministrlıq, xezmätkärlärneñ teoretik häm ğamäli mömkinleklären kamilläşterüdän tış, berämleklärneñ üzara bäyläneşen täêmin itü häm suğış säläten arttırunı maqsat itep quyğan öyränülärneñ videoyazmasın da urtaqlaştı.