Ärdoğannıñ kitabı Ğaynetdingä birelde
Türkiyä İlbaşı Ärdoğannıñ urısça näşer itelgän “Tağın da gädelräk dönya mömkin” isemle kitabı Rusiyä möftilär şurası räise Ravil Ğaynetdingä tapşırıldı
Türkiyä İlbaşı Räcäp Tayyip Ärdoğannıñ urısça näşer itelgän “Tağın da gädelräk dönya mömkin” isemle kitabı Türkiyäneñ Mäskäw tulı wäqalätle ilçese Mäxmät Samsar tarafınnan Rusiyä Federaśiyäse möselmannarı Diniyä näzarate häm Rusiyä möftilär şurası räise Ravil Ğaynetdingä täq’dim itelde.
Törek ilçese Samsar, Rusiyä Federaśiyäse möselmannarı Diniyä näzaratenä barıp, Gaynetdin belän küreşte.
Ärdoğannıñ kitabın Ğaynetdingä tapşırğan Samsar Türkiyä Däwlät başlığınıñ tağın da ğädel, daimi häm totrıqlı tınıçlıq urnaştıru öçen Berläşkän Millätlär Oyışmasında qayber üzgäreşlärneñ kertelä alınuı fikeren här forsatta äytüen xäterlätte. Samsar bu fikerlären Ärdoğannıñ turıdan-turı üzeneñ kitapqa äyländerüen, bu kitapnıñ urısçağa da tärcemä itelüen äytte.
Ärdoğan belän Rusiyä İlbaşı Vladimir Putinnıñ 2015nçe yılda Mäskäw Üzäk mäçeteneñ açılışın yasawın xäterlätüçe Ğaynetdin dä: “Rusiyädäge 25 million möselman isemennän üzen biregä çaqırabız häm üzen kürergä telibez,” – dip belderde.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä