Rusiyä Aqmäçettäge Qırım Tatar Milli Mäcleseneñ binasın milliläşterä

Qırımnıñ güya citäkçese Sergey Aksyonov sośial’ media akkauntınnan yasağan belderüendä yarımutrawda "Rusiyägä doşman buluçılarnıñ” milekläreneñ milliläşterelüeneñ däwam itelüen belderde.

Aksyonov: "Simferopol’da (Aqmäçettä) Rusiyädä tıyılğan êkstremist Mäcleskä bäyle bina belän bergä bertörkem ob’yekt Qırım Cömhüriyäteneñ milegenä küçerelä,” – dip äytte.

Ayıruça Aksyonov Ukraina İlbaşı Volodimir Zelenskiyneñ xanımı Olena Zelenskağa qarağan ber toraqnıñ da milliläşterelügä kertelüen citkerde.

Qırımnıñ 2014nçe yılda Ukrainadan anneksiyälänelüennän soñ qırım tatar xalqınıñ liderı Mostafa Abdülcämil Qırımoğlu belän bergä Qırım Tatar Milli Mäcleseneñ bik küp äğ’zasenä Rusiyä tarafınnan Qırımğa kerü tıyılğan ide.

Annan soñ qırım tatarlarınıñ ixtıyarın wäkillek itüçe Qırım Tatar Milli Mäclese dä Rusiyä mäxkämäse tarafınnan “êkstremist” dip iğ’lan itelä häm êşçänlege tuqtatıla.