Qıtay-Urta Aziya sammitı

Yuğarı däräcäle oçraşunıñ açılış tantanası Şiannıñ tön’yağında Qıtayda 7nçe häm 10nçı ğasırlar aralığında idarä itkän Tang dinastiyäse istälegenä salınğan Cännät parkındağı Qızğılt bolıt utarında oyıştırıldı.

Qıtay Däwlät başlığı Si Cinpiñ häm xäläl cefete Pıng Liyüen qunaq liderlarnı häm xäläl cefetlären utar aldında qarşı alıp sälamläde.

Tantanada Qazaqstan İlbaşı Qasıym Cumart Toqayıv, Qırğızstan Däwlät başlığı Sadır Caparov, Tacikstan İlbaşı İmamali Raxman, Törekmänstan Däwlät başlığı Särdar Bärdimöxämmädov häm Üzbäkstan İlbaşı Şäwkät Mirziyayıv qatnaştı.

Liderlar sammit qısalarında oyıştırılğan aş mäclesendä oçraştı.

İlbaşı Si aş mäclesendä yasağan çığışında tarixi Yefäk yulınıñ Könbatıştağı başlanğıç noqtası bulğan Şaanşi vilayäteneñ 2 meñ yıl buyı Qıtay belän Urta Aziya illäre arasındağı tirän duslıq bağlanışlarına şahit buluın belderep: "Xalıqlarıbız meñ yıllar buyı tovarları häm fikerläre belän almaştı, ber-berlärennän öyränep keşelek tarixında śivilizaśiyälärara üzara bäyläneşneñ iñ yaqtı säxifäse bulğan borınğı Yefäk yulınıñ mähabätlegen bergä tudırdılar,” – dip äytte.

Qıtay häm Urta Aziya Cömhüriyätläreneñ 1992nçe yılda diplomatik mönäsäbätlärne urnaştıruınnan birle xalıqara moxittağı üzgäreşlärgä qaramastan daimi räweştä ber-berlären xörmät itüen häm yaqlawın, yaxşı kürşe häm ike yaqlı fayda êzlänüendä buluın iskärtep uzuçı Si mönäsäbätlärneñ waqıt belän tarixi kütärelü belän yaxşı kürşedän strategik urtaqlıqqa häm “urtaq kiläçäkne urtaqlaşuçı cämğıyätkä” äylänüenä basım yasadı.

Si, Qıtay-Urta Aziya xezmättäşlegenñ şuşı buındağı liderlarnıñ kiläçäkkä yünälgän urtaq strategik prioritetı buluın işarät itep, yuğarı däräcäle oçraşunıñ mönäsäbätlärdä yaña däwerneñ başlanğıçı bulacağına tulısınça ışanuın bilgeläp uzdı.

Qıtay-Urta Aziya sammitı Pekin belän Urta Aziya Cömhüriyätläre arasındağı "C+C5" xezmättäşlegeneñ Däwlät başlıqları däräcäsendäge berençe cıyılışı bulaçaq.