Azärbaycan Fälästinda diplomatik wäkilçelek açaçaq

Tışqı êşlär ministrlığınnan yasalğan yazmaça belderügä kürä, Maliki Azärbaycan tışqı êşlär ministrı Cäyhun Bäyrämov belän Ramallahtağı ministrlıq üzägendä oçraştı.

Ministrlar söyläşü waqıtında Fälästin cirlärendäge soñğı waqıyğalar belän İzrailneñ bozu oçraqları quzğatıldı.

Bäyrämov biredä yasağan çığışında Azärbaycannıñ ike däwlätle çişeleş variantın häm başqalası Könçığış Qodüs bulğan Fälästin däwläteneñ tözelüen xuplawların belderde.

Ayıruça Bäyrämov Azärbaycannıñ Fälästindä yıl däwamında diplomatik wäkilçelek açaçağın äytte.

Fälästin ministrı Maliki isä: "İzrail, aparteid rejimı häm rasaçılıqqa nigezlängän kolonial’, okkupaśion proyıktın däwam itterä,” – dip äytte.

Bäyrämovnıñ diplomatik wäkilçelegeñ açu öçen yasayaçaq säfären kötüen belderüçe Maliki: "Bu qarar Azärbaycan Cömhüriyäte belän mädäniyät, turizm, mäğarif, fänni tikşerenülär häm üseş kebek şaqtıy ölkädä xezmättäşlekne arttıra häm ike il arasındağı mönäsäbätlärneñ urtaq mänfäğät ölkäsendä nığuına öleş kertä,” – dide.

İke il arasındağı yaxşı mönäsäbätlärgä tuqtalıp uzuçı Maliki diplomatik wäkilçelekneñ ilçelek däräcäsenä kütärelüen ömet itülären dä iskärtep uzdı.