Gagawız cireneñ yıllığı qotlandı

Gagawız üzidaräle cireneñ başqalası Komratta oyıştırılğan tantanada Gagawız üzidaräle cire başlığı İrina Vlah häm Gagauziya Xalıq mäclese başlığı Dmitriy Konstantinov belän bergä Türkiyäneñ Kişinyov ilçese Uygar Mustafa Särtäl, Türkiyäneñ Komrat Baş konsulı Hasan Akdoğan, TİKA Törki xezmättäşlek häm koordinaśiya agentlığınıñ Kişinyov programması koordinatorı Sälda Özdänoğlu häm küp sanda çaqırılğan qatnaştı.

Vlah, 1994nçe yılda Moldova parlamentında Gagawız üzidaräle cireneñ xosusıy xoquqi statusına qağılışlı qanunnıñ qabul itelüen belderep: "Gagawız üzidaräle cireneñ qorılu qanunı möhim häm bezneñ öçen kiräkle. Bu qanun näticäsendä töbäkneñ idarä oyışmaları êşçänlek alıp bara”, - dide.

Gagauz xalqınıñ şuşı barış êçendä üzen izolyaśiyälämäwen häm ildäge säyäsi barışlarda aktiv räweştä qatnaşuın bilgeläp uzuçı Vlah: "Bez dönyağa açıq, Moldovanıñ Awrupa yünäleşen häm Awrupa ğamällären üzläşterü telägen yaqlıybız. Bez bu barıştan qurıqmıybız, qaçmıybız, çönki Awrupa säyäsäte êtnik azçılıqlarnıñ xaq-xoquqları belän ireklären bozunı kire qağa,” – dip äytte.

Moldova xökümäte häm Gagauz citäkçelege arasındağı dialognıñ awır baruın belderüçe Vlah kiläse yılda Gagawız üzidaräle cirendä başlıq saylawınıñ ütkäreläçägenä iğ’tibarnı yünältte.

Vlah: "Bez urtaq öyıbez bulğan Moldova cömhüriyätendä tınıçlıqnı häm ahäñne saqlap qalırğa tiyış. Gagauzlar arasındağı berlek-berdämlekneñ nığıtıluı ähämiyätle, barı tik şuşı räweşle milli üzañıbıznı saqlıy alabız, böten awırlıqlarnı xäl itä alabız häm qamilläşep üsärgä däwam itä alabız,” – dip bilgeläp uzdı.

Gagauz xalıq mäclese başlığı Konstantinov ta, 28 yıl buyı Gagawız üzidaräle cireneñ üz yulınnan baruın belderep, Türkiyäneñ Gagawız üzidaräle ciren tözelgännän birle yaqlawın äytte.

Türkiyäneñ Kişinyov tulı wäqalätle ilçese Sertel dä Moldova häm Gagawız üzidaräle cireneñ mullıq êçendä üseş aluın, mädäniyäten däwam itterüen teläwlären citkerde.