Urta koridornı üsterü öçen yul kartası imzalandı
Türkiyä, Azärbaycan, Qazaqstan häm Gruziya tışqı êşlär häm transport ministrları arasında Tranz Xäzär xalıqara transport yünäleşen (urta koridornı) üsterü öçen 2022-2027 çorınıñ yul kartasına qul quydı
Qazaqstannıñ Xäzär diñgeze buyındağı port qalası Aqtawda Türkiyä, Azärbaycan, Qazaqstan häm Gruziya tışqı êşlär häm transport ministrlarınıñ 2nçe cıyılışı uzdı.
Trans Xäzär xalıqara transport marşrutın üsterüdä yul kartasınıñ imzalanuınıñ möhim adım buluına basım yasawçı Qazaqstan tışqı êşlär ministrı Muhtar Tiläubärdi şuşı dokument belän barı tik koordinaśiya êşçänlege genä tügel, anıq proyıktlarnıñ tormışqa aşırıluınıñ da maqsat itelüen iskärtep uzdı.
Cıyılışya Gruziyanı aralarında kürüdän şat buluların belderüçe Tileuberdi: “Zur transport proyıktlarınıñ kübese Gruziya cirlärennän uza häm Baqı-Tbilisi-Cäyhan belän Baqı-Supsa neft’ ütkärgeçläre belän ber rättän Baqı-Tbilisi-Kars timer yulınıñ citeşterüçänlegeneñ üsterelüe mäs’äläsendä bez optimist”, - dip äytte.
Qazaqstan ministrı kiläse yıldan başlap Baqı-Tbilisi-Cäyhan ütkärgeçe aşa neft’ cibärüne planlaştıruların da belderde.
Urta koridor citeşterüçänlegeneñ 2025nçe yılğa qadär ber yılda 10 million tonnağa citkerelüe maqsat itelä.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
